Еркін күрестен 86 келі салмақ дәрежесінде бақ сынаған Азамат Дәулетбеков Олимпиада ойындарының алғашқы айналымында АҚШ өкілі Аарон Брукстан 3:4 есебімен жеңілді. Әдеттегідей қарсыласының финалға шыққанын күтеміз. Егер Аарон финалға шықса, Азамат жұбаныш белдесуіне қатысуға мүмкіндік алады.
Бұл салмақта Хасан Яздани Рио Олимпиадасының жеңімпазы, үш дүркін әлем чемпионы басты фаворит. Дағыстанда туылып, Еуропа елдеріне шашырап кеткен кавказдық спортшылардың да алтыннан дәмесі зор. Өзбекстан атынан сынға түсетін Джабрайыл Шәпиев, Болгария атынан белдесетін Магомед Рамазанов, үш дүркін Еуропа чемпионы, бүгінде Грекия атынан белдесетін Дәурен Куруглиев, Токио Олимпиадасының қола жүлдегері Артур Найфонов та Париж кілемінде бақ сынайды. Ресейлік палуан нейтралды спортшы ретінде сынға түсуде.
Айта кетейік, Азамат әлем чемпионатында екі рет жүлде алып, Азия біріншілігінде үш рет топ жарды. Сондай-ақ 2022 және 2023 жылғы әлем чемпионаттарында қатарынан екі қола медаль жеңіп алды.
Сонымен қатар қазақстандық палуан Мейрамбек Қартбай алғашқы айналымда сүрінді Еркін күрестен 57 келі салмақ дәрежесінде сынға түскен қазақстандық палуан қырғызстандық Бекзат Алмасұлына 1:4 есебімен есе жіберді.
