«Барыс» биылғы маусымда ҚХЛ-да 17-мәрте жеңіліс тапты

Бүгін Құрлықтық хоккей лигасы аясында (ҚХЛ) өткен матчта «Барыс» «Автомобилиске» есе жіберді. Кездесу Астанада өтіп, 1:3 есебімен аяқталды. Екі кезеңнен кейін қазақстандық клуб 1:0 есебімен алға шыққанымен, 13 минуттың ішінде үш рет гол жіберіп алды.

Астаналықтар сапынан Никита Сетдиков(19-минут), ал Екатеринбург командасынан Никита Трямкин (47), Брендан Лайпсич (54) және Стефан Да Коста (59) гол соқты. 30 ұпай жинаған «Автомобилист» Шығыс конференциясында екінші орында қалды. «Барыс» 14 ұпаймен 12 команданың арасынан 11-орынға жайғасты.

Ғалым Мәмбеталиев шәкірттері келесі ойынын 11 қарашада Нижнекамскінің «Нефтехимигімен» сырт алаңда өткізеді.