«Қайрат» ел чемпионы атанды

Алматылық ұжым сырт алаңда «Атырауды» 0:1 жеңді. Осылайша «сары-қаралар» 47 ұпай жинап, өз тарихында төртінші мәрте футболдан Қазақстан чемпионы атанды.

Күміс жүлдені 46 ұпаймен «Астана» алса, «Ақтөбе» клубы 43 ұпаймен үздік үштікті түйіндеді. Турнирдің аутсайдері ретінде «Шахтер» танылып, алғаш рет өздерінің тарихында жоғарғы дивизионнан ұшып кетті.

«Қайрат» ұжымы чемпиондық атақтың арқасында келесі жылы QFL Қазақстан Суперкубогы және УЕФА Чемпиондар лигасының іріктеу кезеңінде бақ сынауға мүмкіндік алды. Турнирдің қорытындысы бойынша, «Астана», «Ақтөбе», «Ордабасы» командалары да еурокубок ойындарына қатыса алады.