Астанада самбодан тарихи әлем чемпионаты мәресіне жетті. Соңғы жарыс күні Нұрила Асанқызы (жауынгерлік самбо, +80 келі) чемпион атанса, Талғат Жиентаев (жауынгерлік самбо, +98 келі), Бақытжан Дүйсембеков (жауынгерлік самбо, 79 келі) және Серікбай Неғмет (спорттық самбо, 71 келі) жеңіске жетті. Қымбат Ахмет (жауынгерлік самбо, 50 келі) мен Асқар Қайыров (зағиптар категориясы, 98 келі) ел қоржынына қола медаль әкелді.
Жалпы медальдық есепте Қазақстан құрамасы 3 алтын, 5 күміс және 9 қола медальмен 2-орынға тұрақтады. Бірінші орында бейтарап ел (FIAS-1) – 16 алтын, 5 күміс, 5 қола медаль. Үшінші орын бейтарап ел (FIAS-2) – үш алтын, екі күміс, төрт қола медаль.
Бұған дейін біздің спортшылар 2014 жылы Жапонияда өткен әлем чемпионатында жалпы есепте осындай жоғары нәтижеге, яғни екінші орынға қол жеткізген болатын.
Әлем чемпионатына 80 елден 470 спортшы қатысты.
