Мәнерлеп сырғанаудан Қазақстан құрамасының өкілі Софья Самоделкина Эстонияда өткен халықаралық Tallinn Trophy турнирінде күміс медаль жеңіп алды.
Қысқа бағдарламадан кейін София үшінші орында еді. Дегенмен, еркін бағдарламада ол екінші орын алып, өз орнын жақсартып, 173,25 ұпай жинады.
192,48 ұпай жинаған Бельгия өкілі Нина Пинзаррон алтыннан алқа тақса, Сара-Мод Дюпоис (Канада) 163,58 көрсеткішімен турнирдің қола жүлдегері атанды.
Айта кетейік, 17 жастағы мәнерлеп сырғанаушы 2023 жылы Қазақстан азаматтығын алған. Ал, биылғы жылдың тамыз айында Қазақстан Республикасы Туризм және спорт министрлігі Спорт және дене шынықтыру істері комитетінің бұйрығымен жазғы Қазақстан чемпионатындағы өнер көрсету нәтижесі бойынша ұлттық құрама сапына ресми түрде қабылданды.
