Ел футболындағы биылғы жылдың соңғы матчы елордалық команданың ойынымен аяқталды. Ал, ендеше біз жылды қорытындылап, «Астананың» еурокубокте тапқан табысын санап көрейік.
Конференция лигасының жалпы кезеңінің әрбір қатысушы 3 миллион 170 мың еуродан алды. Матчтағы жеңіске 400 мың, тең ойынға 133 мың еуро берілді.
Осылайша, Астана ең аз дегенде 3 миллион 836 мың еуро, яғни теңгеге шаққанда 2,094 миллиарда тенге алады. Оның 666 мыңы жеңіс пен екі тең ойын үшін бонус. Бұдан бөлек клубтардың маркетингтік табыстан (негізінен телехабарлар) алатын пайызы бар және ол сомма жарияланбайды. Осылайша астаналық ұжым жыл соңында мол табысқа кенеліп отыр.
Осы еурокубок маусымында басқа қазақстандық клубтар қанша табыс тапты?:
«Ақтөбе» — 150 000 еуро (Конференция лигасының бірінші турындағы іріктеу)
«Тобыл» — 575 000 еуро (Еуропа лигасының бірінші раундында іріктеу, Конференция лигасының екінші турында іріктеу)
«Ордабасы» — 1 миллион 160 мың еуро (Чемпиондар лигасының бірінші турында іріктеу, Еуропа лигасының екінші турында іріктеу, Конференция лигасының үшінші турында іріктеу және УЕФА-дан 260 000 еуро бонус).
