Дәулет Дәукенов кәсіпқой мансабындағы кезекті жеңісіне жетіп, WBL екінші дәрежелі чемпиондық белбеуін жеңіп алды.
20 желтоқсанда Астанада өткен кештің басты жекпе-жегінде Дәукенов аргентиналық Карлос Кордобамен кездесті. Кіші жартылай орта салмақтағы жекпе-жек он раундқа созылғанымен, төрешілердің шешіммен қазақстандықтың жеңісімен аяқталды. Осы табысының арқасында қазақстандық WBL чемпиондық белбеуін жеңіп алды.Бұл жеңіс кәсіпқой рингте 2017 жылдан бері өнер көрсетіп жүрген Дәулет Дәукеновтің мансабындағы 15-ші жеңісі болды.
Алайда Кордобаның кездесудің нәтижесіне көңілі толмады. Өйткені ол жеңіске жететініне сенімді болды. Бірақ мансабында үздік жекпе-жек өткізбеген ринг иесіне бұл жолы төрешілер жоғары баға берді. Алғашында бокс жанкүйерлері Кордованың жеңісіне шүбә келтірмеген еді.
Сондай-ақ 20 желтоқсанда Астанада өткен Fight Nights Boxing кәсіпқой бокс кешінде қазақстандық боксшы Балауса Мұздиман мен Үндістан өкілі Сушила Вират арасында тартысты жекпе-жек өтіп, Мұздиманның пайдасына шешілді.
