Қарсыласын үш рет нокдаунға түсірген Аида Әбікеева Әлем кубогының ширек финалына шықты
Бұрымды боксшымыз 1/8 финалда 5:0 есебімен жеңіске жетті.
gov.kz
Қазақстандық боксшы Аида Әбікеева Бразилияда өтіп жатқан Әлем кубогын сәтті бастады. 65 келі салмақта өнер көрсететін екі дүркін әлем чемпионы 1/8 финалда Чехия өкілі Виктория Жилковамен қолғап түйістірді.
Жекпе-жек барысында отандасымыз жоғары деңгейдегі шеберлігін паш етті. Әбікеева тек сауатты қорғанып қана қоймай, әрбір соққысын дәл әрі есеппен бағыттап отырды. Оның айқын басымдығын төрешілер де мойындап, нәтижесінде қазақстандық спортшы 5:0 есебімен жеңіске жетті.
Енді Аида ширек финалда бүгін, 24 сәуір күні марокколық Доуа Заккимен жұдырықтасады.
Айта кетейік, бүгін Қазақстан құрамасының өзге де боксшылары шаршы алаңға шығады. Күндізгі сессияда (19:00) Виктория Графеева, Фарух Тоқтасынов және Сұлтанбек Айбарұлы өнер көрсетсе, кешкі сессияда (1:00) жанкүйерлер Диас Молжігітов, Алуа Балқыбекова, Даниял Сәбит және Санжарәлі Бегалиев жекпе-жектерін тамашалай алады
