Фьюри мен Джошуа арасында тарихи айқас өтеді
Бұл ақпаратты The Ring журналисі Майк Коппинджер растап отыр.
sport.rambler
Бұрынғы әлем чемпиондары Тайсон Фьюри мен Энтони Джошуа арасында жекпе-жек өткізу жөнінде келісімге қол жеткізілді.
Кездесу 2026 жылдың төртінші тоқсанына жоспарланған. Алайда нақты күні әзірге белгісіз. Бұл жекпе-жектің уақыты Джошуаның шілде айындағы айқасынан кейін нақты белгілі болады.
25 шілде күні Джошуа Эр-Риядта албаниялық Кристиан Пренгамен жұдырықтасады. Пренга кәсіби мансабында 20 жеңіске жеткен (барлығы мерзімінен бұрын). Бірақ, әлі де болса ірі қарсыластармен кездеспеген.
Айта кетейік, The Ring журналисі Майк Коппинджердің мәліметінше, жекпе-жектің келісімшартына қол қойылған. Инсайдердің айтуынша, бұл келісімге келуде Сауд Арабиясының Ойын-сауық істері жөніндегі бас басқармасының төрағасы Турки Әл аш-Шейхтің үлесі зор.
