Қазақстан құрамасы Лондондағы әлем чемпионатын жеңіспен бастады
Қазақстан ерлер құрамасы Түркияны жеңді.
ашық дереккөзден
Лондонда 28 сәуір мен 10 мамыр аралығында үстел теннисінен командалық әлем чемпионаты - World Team Table Tennis Championships 2026 өтіп жатыр. Биылғы турнирдің ерекшелігі - алғашқы әлем біріншілігінің 100 жылдығына орай ұйымдастырылып отыр. Дүбірлі додаға 64 ерлер және 64 әйелдер құрамасы қатысуда.
Жарыстың бірінші күні Қазақстан құрамасы аралас нәтижелер көрсетті.
Ерлер құрамасы Түркияға қарсы кездесуде 3:1 есебімен жеңіске жетті. Кирилл Герасименко Абдулла Йигенлерді 3:0 есебімен жеңсе, Айдос Кенжигулов Ибрагим Гундузды 3:1 есебімен ұтты. Сондай-ақ Герасименко Горкем Окалды тағы бір ойында 3:0 есебімен тізе бүктірді. Тек Алан Курманғалиев Горкем Окалға 1:3 есебімен есе жіберді.
Ал әйелдер құрамасы Бразилиямен өткен кездесуде 1:3 есебімен жеңілді. Бұл ойында Зәуреш Акашева Джулия Такахашиді 3:2 есебімен жеңіп, командаға жалғыз ұпай сыйлады. Қалған кездесулерде Сарвиноз Миркадирова Бруна Такахашиге 0:3, Жанерке Кошкумбаева Лаура Ватанабеге 2:3, ал Зәуреш Акашева Бруна Такахашиге 0:3 есебімен жол берді.
Бүгін Қазақстан ерлер құрамасы Египетке қарсы ойнайды. Кездесу Астана уақытымен 23:30-да басталады. Ал әйелдер құрамасы Моңғолиямен кездеседі. Матч 21:00-ге жоспарланған.
