«Арсенал» соңғы 20 жылда алғаш рет Чемпиондар лигасының финалына шықты
«Арсенал» биылғы маусымда қатарынан 41 матчта жеңіске жетті.
championat
Лондондық «Арсенал» жартылай финалда Мадридтің «Атлетико» командасын екі матчтың қорытындысы бойынша жеңіп, УЕФА Чемпиондар лигасының финалына жолдама алды.
5 мамыр күні «Эмирейтс» стадионында өткен матчта алаң иелері бірінші таймның соңына қарай есеп ашты. Леандро Троссар қақпаға бағыттаған соққысын Ян Облак қайтарғанымен, допқа бірінші жеткен Букайо Сака есеп ашты - 1:0.
Екінші таймда «Атлетико Мадрид» бірнеше қауіпті шабуыл ұйымдастырғанымен, «Арсенал» қорғанысы сенімді ойын өрнегін көрсетіп, есепті сақтап қалды. Қорытынды есеп - 1:0. Осылайша, екі матч қорытындысы бойынша лондондық клуб финалға жолдама алды.
Бұл нәтиже «Арсенал» үшін ерекше тарихи мәнге ие. Команда соңғы рет Чемпиондар лигасының финалына 2005/06 маусымда шыққан болатын.
Финалда «Арсенал» «Бавария» мен «ПСЖ» жұбының жеңімпазымен кездеседі. Финалдық қарсылас анықталатын матч «Альянц Арена» стадионында өтеді.
