Ризабек Айтмұхан RAF ұйымында екінші кездесуін өткізеді
RAF 10 турнирі АҚШ-та өтеді.
Getty Images
Қазақстандық еркін күрес шебері Ризабек Айтмұхан америкалық Real American Freestyle лигасындағы келесі кездесуін қашан өткізетіні белгілі болды.
RAF 10 турнирі 2026 жылғы 13 маусымда АҚШ-тың Миссури штатындағы Сент-Луис қаласында өтеді. Айтмұханның қарсыласы АҚШ өкілі Хайден Зиллмер. Бұл кездесу Зиллмер үшін RAF промоушеніндегі дебюттік жекпе-жек болмақ.
Америкалық балуанның спорттық жетістіктері жоғары деңгейде. Ол 2022 жылы АҚШ-та өткен Final X іріктеу турнирінде екі дүркін әлем чемпионатының жүлдегері Ник Гваздовскийді жеңіп, ұлттық құрама сапына енген. Сонымен қатар, 125 келі салмақта 2022 жылғы әлем чемпионатында (Белград) 7-нәтиже көрсеткен.
Айта кету керек, бұған дейін RAF 08 турнирінде Ризабек Айтмұхан Олимпиада чемпионы Кайл Снайдермен белдесіп, 6:12 есебімен жеңіліс тапқан болатын.
