Нұралы Әліп төрт дүркін Ресей чемпионы атанды
Нұралы Әліп бүгінгі финалдық ойында екінші таймда алаңға ауысып шықты.
Зенит ФК
Санкт-Петербургтың «Зенит» футбол клубы Ресей Премьер-Лигасының 2025/2026 жылғы маусымын жеңіспен аяқтап, кезекті чемпиондық атағын иеленді. Соңғы, 30-тур аясында бүгін «Зенит» сырт алаңда «Ростовты» 1:0 есебімен жеңді.
Матчтағы жалғыз гол 14-минутта соғылды. Шабуылшы Александр Соболев пенальтиден мүлт кетпей, командасына жеңіс сыйлады. Ал 73-минутта «Ростов» қорғаушысы Дмитрий Чистяков қызыл қағаз алып, алаңнан қуылды.
Қазақстан құрамасының қорғаушысы Нұралы Әліп ойынға 67-минутта қосылды.
Осылайша, «Зенит» маусымды 68 ұпаймен аяқтап, Ресей чемпионы атанды. Ал «Ростов» 33 ұпаймен турнирлік кестеде оныншы орынға жайғасты.
Біздің Telegram каналымыздағы спорт әлемінің ең қызығы
Insports.kz
Жазылу