Аружан Сағындықова ITF турнирінің чемпионы атанды
Қазақстандық теннисші Аружан Сағындықова Өзбекстан өкілі Севиль Юлдашева екеуі Арменияның Цахкадзор қаласында өткен ITF W15 сериялы турнирінің жұптық сынында жеңімпаз атанды.
Аружан Сағындықова/instagram
Финалдық кездесуде қазақстандық-өзбекстандық дуэт Италия теннисшісі Джиневра Парентини мен Иран өкілі Мешкатолжара Сафиден басым түсті. Сағындықова мен Юлдашева қарсыластарын екі сетте 7:5, 6:2 есебімен сенімді түрде жеңіп, чемпиондық атақты иеленді.
Жарыс барысында бірінші нөмірмен тіркелген жұп өздерінің фаворит мәртебесін толық ақтады. Жартылай финалда олар ресейлік Кристина Кроитор мен Дарья Кузнецованы 6:4, 6:4 есебімен ұтып, финалға жолдама алған болатын.
Айта кетейік, ITF W15 турнирі 25-31 мамыр аралығында Арменияның Цахкадзор қаласында өтуде. Жарыстың жалпы жүлде қоры 15 мың АҚШ долларын құрайды.
