Бразилия мен Марокко жеңімпазды анықтай алмады
Бразилиялықтар фаворит саналғанымен, Марокко құрамасы да оңай қарсылас емес екендерін дәлелдеді.
Dan Mullan/Getty Images
Футболдан әлем чемпионатының топтық кезеңіндегі ең тартысты кездесулердің бірі - Бразилия мен Марокко құрамалары арасындағы матч тең аяқталды. АҚШ-тың Ист-Ратерфорд қаласында өткен ойында аталмыш командалар 1:1 есебімен тең түсті.
Кездесуді белсенді бастаған Марокко құрамасы 21-минутта есеп ашты. Исмаэль Сайбари қарсылас қақпасынан саңылау тауып, африкалық команданы алға шығарды. Марокколықтар бірінші таймда сенімді ойын көрсетіп, бірнеше қауіпті шабуыл ұйымдастырды.
Алайда Бразилия көп күттірмей жауап қайтарды. 32-минутта Винисиус Жуниор таразы басын теңестірді.
Екінші таймда қос команда да жеңіс голын соғуға талпынғанымен, есеп өзгерген жоқ. Нәтижесінде әлемдік рейтингте алтыншы және жетінші орындарда тұрған құрамалар бір-бір ұпайдан еншіледі.
Айта кетейік, 2026 жылғы әлем чемпионаты АҚШ, Канада және Мексикада өтіп жатыр. Турнир 19 шілдеге дейін жалғасады.
