Әлем чемпионатында тең нәтижелер көбейді: G және H топтарындағы матчтар жеңімпазсыз аяқталды
Әлем чемпионатында 15 матчтың жетеуінде тең нәтиже тіркелді.
Getty Images
Футболдан әлем чемпионатында тең нәтижелер саны артып келеді. G және H топтарындағы алғашқы тур ойындары жанкүйерлерге тартысты кездесулер сыйлағанымен, командалар жеңімпазды анықтай алмады.
G тобындағы матчта Бельгия мен Египет құрамалары 1:1 есебімен тең түсті. Кездесудің 20-минутында Эмам Ашур мысырлықтарды алға шығарса, 66-минутта Мохамед Ханидің өз қақпасына соққан добы бельгиялықтарды жеңілістен құтқарды.
Осы топтағы тағы бір ойында Иран мен Жаңа Зеландия құрамалары 2:2 есебімен тең тарқасты. Жаңа зеландиялық шабуылшы Элайджа Джаст дубль авторы атанса, ирандықтар Рамин Резаэян мен Мохаммад Мохебидің голдарының арқасында екі мәрте есепті теңестірді.
Осылайша, G тобындағы барлық құрамалар алғашқы турдан кейін бір ұпайдан еншіледі.
Ал H тобында Сауд Арабиясы мен Уругвай арасындағы кездесу де 1:1 есебімен аяқталды. Саудиялықтар 41-минутта Абдулела Әл-Амридің голынан кейін алға шыққанымен, 80-минутта Максимилиано Араухо таразы басын теңестірді. Бұған дейін Испания мен Кабо-Верде де өзара жеңімпазды анықтай алмаған болатын.
Екінші турда G тобында Бельгия - Иран және Жаңа Зеландия - Египет кездесулері өтсе, H тобында Уругвай Кабо-Вердемен, ал Испания Сауд Арабиясымен өзара мықтыны анықтайды.
