Аргентина Аустрияны жеңіп, плей-оффқа жолдама алды
Месси рекорд жаңартты.
Getty Images
Футболдан әлем чемпионатында Аргентина құрамасы кезекті мәрте өз мықтылығын дәлелдеді. Лионель Месси бастаған әлем чемпиондары топтық кезеңнің екінші турында Аустрияны 2:0 есебімен жеңіп, мерзімінен бұрын плей-офф жолдамасын иеленді.
АҚШ-тың Техас штатындағы Арлингтон қаласында орналасқан AT&T Stadium аренасында өткен кездесудің басты кейіпкері тағы да Лионель Месси болды. 38 жастағы шабуылшы матчтың 38-минутында есеп ашып, командасын алға шығарды. Ал қосымша уақытта (90+5) қарсылас қақпасын тағы бір мәрте дәл көздеп, дубль авторы атанды.
Бұл голдар Месси үшін ерекше маңызға ие болды. Аргентиналық сұрмерген әлем чемпионаттарындағы гол санын 18-ге жеткізіп, турнир тарихындағы ең үздік бомбардир атанды. Осылайша ол Германия құрамасының бұрынғы шабуылшысы Мирослав Клозенің 16 голдық рекордын артта қалдырды.
Айта кетейік, Месси матчтың 9-минутында пенальтиден мүлт кеткенімен, кейін өз қателігін толықтай түзеп, тарихи нәтижеге қол жеткізді.
Екі турдан кейін Аргентина 6 ұпай жинап, J тобында жеке-дара көш бастады. Әлем чемпиондары плей-офф кезеңіне шығу мәселесін мерзімінен бұрын шешіп қойды. Аустрия құрамасының еншісінде 3 ұпай бар. Ал Иордания мен Алжир әзірге ұпайсыз қалып отыр.
Лионель Месси үшін бұл тағы бір тарихи кеш болды. Қазіргі уақытта оның Аргентина құрамасы сапындағы көрсеткіші 122 гол.
