«Ақтөбе» әйелдер арасындағы Чемпиондар лигасының іріктеуін өз алаңында өткізеді
Матчтар Қобыланды батыр атындағы Орталық стадионда өтеді.
ашық дереккөзден
Әйелдер арасындағы УЕФА Чемпиондар лигасының 2026/27 жылғы маусымының бірінші іріктеу кезеңіне жеребе тартылып, Қазақстан чемпионы «Ақтөбе» әйелдер командасының қарсыластары анықталды.
Ақтөбелік клуб 3-топқа түсіп, исландиялық «Брейдаблик», швейцариялық «Серветт» және беларусьтік «Динамо-Минск» командаларымен бақ сынайды. Мини-турнирдің барлық матчтары Ақтөбедегі Қобыланды батыр атындағы Орталық стадионда өтеді.
5 тамызда жартылай финалда «Ақтөбе» «Брейдабликпен» кездессе, «Динамо-Минск» пен «Серветт» екінші жолдаманы сарапқа салады. Шешуші матчтар 8 тамызда өтеді.
Мини-турнир жеңімпазы әйелдер арасындағы УЕФА Чемпиондар лигасының үшінші іріктеу кезеңіне жолдама алады.
Біздің Telegram каналымыздағы спорт әлемінің ең қызығы
Insports.kz
Жазылу