Елена Рыбакина Торонто турнирінің финалына шықты
Қазақстандық теннисші Елена Рыбакина Торонто қаласында өтіп жатқан WTA 1000 санатындағы турнирдің финалына жолдама алды.
ашық дереккөзден
Әлемдік рейтингте екінші орында тұрған Елена Рыбакина жартылай финалда америкалық Кори Гауффпен кездесті. Матч 2 сағат 2 минутқа созылып, қазақстандық спортшы 5:7, 6:2, 6:2 есебімен жеңіске жетті.
Кездесудің алғашқы партиясында Гауфф 7:5 есебімен басым түсті. Алайда екінші сеттен бастап Рыбакина ойын барысын өзгертіп, қатарынан екі партияда 6:2 есебімен жеңіске жетті.
Осы нәтижеден кейін Елена Рыбакина Торонто турнирінің финалына өтті. Шешуші кездесуде қазақстандық теннисші әлемнің сегізінші ракеткасы, Польша өкілі Ига Швёнтекпен кездеседі.
Швёнтек жартылай финалда Украина теннисшісі Элина Свитолинаны 6:3, 1:6, 6:3 есебімен жеңіп, финалға жолдама алды.
Айта кетейік, Ига Швёнтек үшін бұл маусымдағы алғашқы финал болмақ.
