«Ордабасы» көш бастады, «Ақтөбе» соңғы минутта жеңісті жұлып әкетті
Бүгін Қазақстан Премьер-лигасының 22-тур матчтары өтті.
ашық дереккөзден
Шымкенттік «Ордабасы» өз алаңында «Алтайды» жеңіп, турнирлік кестенің көшін бастады. Шымкентте өткен кездесу 3:1 есебімен аяқталды.
«Ордабасы» сапынан Сергей Малый 4-минутта есеп ашса, 38-минутта Берн Йонсен есепті еселей түсті. Екінші таймда Ибрагим Дадаев 69-минутта көзге түсті. Алайда 86-минутта Йонсен дубль жасап, шымкенттік клубқа жеңіс әкелді - 3:1.
Осы нәтижеден кейін «Ордабасы» 52 ұпаймен КПЛ-2026 турнирлік кестесінде бірінші орынға шықты. «Алтай» 19 ұпаймен 14-сатыда қалды.
Ал Қызылордада «Қайсар» мен «Ақтөбе» арасындағы матчта қонақтар жеңіске жетті. Кездесу 1:2 есебімен аяқталды.
11-минутта «Қайсардың» атақты легионері Виктор Мозес әдемі гол соғып, алаң иелерін алға шығарды. «Ақтөбе» есепті тек 77-минутта теңестірді. Луиш Нанидің пасын сәтті пайдаланған ганалық Даниэль Соса таразы басын теңестірді. Ал матчтың 93-минутында Соса тағы да мергендік танытып, «Ақтөбеге» маңызды үш ұпай сыйлады. «Ақтөбе» 35 ұпаймен турнир кестесінде төртінші орында тұр. «Қайсар» 20 ұпаймен 13-сатыда орналасқан.
