«Ертіс» «Ақтөбені» тізе бүктірді
«Ертіс» маңызды үш ұпайға ие болды.
ашық дереккөзден
Павлодарлық «Ертіс» Қазақстан Премьер-лигасының 24-турында өз алаңында «Ақтөбені» 2:1 есебімен жеңді.
Кездесуде есепті қонақтар ашты. 37-минутта «Ақтөбе» шабуылшысы Артур Шушеначев гол соғып, командасын алға шығарды - 0:1.
Екінші таймда павлодарлықтар таразы басын теңестірді. 50-минутта «Ертістің» бразилиялық жартылай қорғаушысы Леонардо Калил есепті 1:1-ге жеткізді.
Арада үш минут өткенде алаң иелері екінші голын соқты. 53-минутта Рамазан Каримов «Ертісті» алға шығарды.
Қалған уақытта «Ақтөбе» есепті өзгерте алмады. Осылайша, павлодарлық клуб 2:1 есебімен жеңіске жетіп, турнир кестесіне үш ұпай қосты.
Бұл жеңістен кейін «Ертіс» 20 ұпай жинап, турнирлік кестеде 13-орынға көтерілді. Ал «Ақтөбе» 35 ұпаймен бесінші орында қалды.
