Ресми: Елена Рыбакина - әлемнің бірінші ракеткасы
Рыбакина WTA рейтингінде 9901 ұпай жинады.
ашық дереккөзден
Қазақстандық теннисші Елена Рыбакина кәсіби мансабында алғаш рет WTA рейтингінің көшін бастады.
WTA ұйымы жаңартқан әлемдік рейтингте Рыбакина екінші орыннан бірінші сатыға көтеріліп, 9901 ұпай жинады. Ал оның басты бәсекелесі, Беларусь өкілі Арина Соболенко 7875 ұпаймен екінші орынға түсті. Үздік үштікті Джессика Пегула түйіндеп тұр.
Рыбакина финалда Арина Соболенкомен кездесті. Шешуші матчта қазақстандық теннисші қарсыласын 6:4, 5:7, 6:2 есебімен жеңіп, алғаш рет US Open чемпионы атанды.
Бұл жеңіс Рыбакинаның мансабындағы «Үлкен дулыға» турнирлеріндегі үшінші титулы болды. Бұған дейін ол 2022 жылы Уимблдонда және 2025 жылы Аустралия ашық чемпионатында жеңіске жеткен.
Елена Рыбакина осылайша бір турнирдің қорытындысы бойынша бірден екі тарихи жетістікке қол жеткізді. Ол US Open турнирінде чемпион атанып қана қоймай, әлемдік рейтингтің шыңына көтерілді.
Енді Елена Рыбакина ресми түрде әлемнің бірінші ракеткасы атанды. Бұл Қазақстан теннисінде бұрын-соңды болмаған тарихи нәтиже.
