«Астана» өз алаңында «Қайратты» жеңді
«Қайрат» ойынның басым бөлігін 10 ойыншымен өткізді.
ашық дереккөзден
«Астана» футболдан Қазақстан Премьер-лигасының 27-турында өз алаңында «Қайратты» қабылдап, 1:0 есебімен жеңіске жетті.
11-минутта «Қайрат» ойыншысы Әділет Садыбеков қызыл қағаз алып, алаңнан қуылды. Осылайша, «Астана» матчтың негізгі бөлігін сан басымдығымен өткізді. Кездесудегі жалғыз гол 14-минутта соғылды. Гол авторы - Рамазан Каримов.
Кездесудің қалған уақытында есеп өзгерген жоқ. Нәтижесінде елордалық клуб маңызды үш ұпайға ие болды.
27-турдан кейін «Қайрат» 57 ұпаймен турнир кестесінің екінші сатысында келеді. «Астана» 48 ұпаймен үшінші орында тұр.
Қазақстан Премьер-лигасының келесі турында «Қайрат» өз алаңында «Жетісуды» қабылдайды. Ал «Астана» сырт алаңда «Тобылмен» кездеседі. Екі матч та 10 қазанда өтеді.
