Елена Рыбакина Қазақстанға келді
Әлемнің бірінші ракеткасы Елена Рыбакина Алматы және Астана қалаларында балаларға шеберлік сабақтарын өткізеді.
ашық дереккөзден
Қазақстандық теннисші Елена Рыбакина АҚШ ашық чемпионатындағы жеңісінен кейін елге оралды.
Спортшы Instagram желісіндегі Stories бөлімінде гүл шоғы бейнеленген суретін жариялап, орналасқан жері ретінде Алматы қаласын көрсетті.
Рыбакинаның Қазақстандағы сапары бір аптаға жоспарланған. Осы уақыт аралығында теннисші балаларға шеберлік сабақтарын өткізіп, жас спортшылармен тәжірибесімен бөліседі. Сонымен қатар жанкүйерлерімен кездесулер өткізеді.
Сапар барысында Елена Рыбакина денсаулығына байланысты медициналық тексеруден де өтеді. Қазақстандық теннисші бұған дейін Цинциннатиде өткен WTA 1000 санатындағы турнир кезінде Ахилл сіңірінен жарақат алған болатын. Осыған байланысты ол жарыстың ширек финалдық кездесуіне қатысудан бас тартқан.
Жарақат Рыбакинаны АҚШ ашық чемпионатында да мазалаған. Соған қарамастан қазақстандық теннисші чемпиондық атаққа қол жеткізді.
