Қазақстандық жас теннисшілер Junior Davis Cup турнирін 11-орынмен аяқтады

Жас теннисшілеріміз соңғы кездесуінде Морокко құрамасын жеңді.

Қазақстандық жас теннисшілер Junior Davis Cup турнирін 11-орынмен аяқтады ашық дереккөзден

Қазақстанның 16 жасқа дейінгі жасөспірімдер құрамасы Мысыр астанасы Каирде өткен Junior Davis Cup Finals 2026 турниріндегі өнерін аяқтады. Әлемнің үздік 16 құрамасы қатысқан жарыста отандастарымыз 11-орынға тұрақтады.

31 қазан мен 6 қараша аралығында өткен командалық біріншілікте Қазақстан намысын Родион Трайгель, Ансар Ниеткалиев және Ахмади Маханов қорғады. Команда капитаны Сергей Квак болды.

Қазақстандық теннисшілер топтық кезеңде Франция, АҚШ және Үндістан құрамаларымен D тобында өнер көрсетті. Алайда үш кездесудің барлығында да 0:3 есебімен жеңіліс тапты.

Плей-офф кезеңінде отандастарымыз үш матчтың екеуінде жеңіске жетті. Алдымен Аустралия құрамасын 2:1 есебімен ұтты. Одан кейін Венгрия теннисшілеріне 1:2 есебімен жол берді.

Турнирдегі соңғы кездесуінде Қазақстан құрамасы Марокко командасымен кездесіп, 2:1 есебімен басым түсті. Осы нәтижемен жас теннисшілер әлемдік біріншілікті 11-орынмен аяқтады.

Telegram
Біздің Telegram каналымыздағы спорт әлемінің ең қызығы Insports.kz
Жазылу