Жеребе тарту рәсіміне 54 команда қатысады. 2026 жылғы әлем чемпионатының финалдық кезеңі АҚШ, Канада және Мексикада өтеді. 54 құрама 2024/25 жылғы УЕФА Ұлттар лигасы жалпы рейтингіне сәйкес 5 себетке бөлінді. Жеребе командалар 12 топқа бөлінеді: алғашқы алты топта («A»-«F») төрт командадан, қалған алты топта («G» — «L») бес құрамадан болады.
Әлем чемпионатына алдағы еуропалық іріктеу кезеңі Қазақстан үшін алтыншысы болмақ. Бұған дейін Қазақстан құрамасы 2006, 2010, 2014, 2018, 2022 жылғы әлем чемпионаттарының іріктеу кезеңінде бақ сынады.
2026 жылғы әлем чемпионатына УЕФА-дан 16 құрама жолдама алады. Финалдық кезеңге 12 топтың жеңімпазы тікелей шықса, қалған төрт жолдама үшін топта екінші орын алған және Ұлттар лигасы арқылы іріктеуге шыққан төрт команда таласады. Іріктеу матчтары 2025 жылдың наурыз айында басталып, қараша айында аяқталады.Әлем чемпионаты 2026 жылдың 11-19 шілде күндері өтеді. Жеребе тарту рәсімі Қазақстан уақытымен 16:00-де басталады.
