«Қайрат» U-15 Қытайда өткен халықаралық турнирде топ жарды

«Қайрат» футбол академиясының 15 жасқа дейінгі жас тәрбиеленушілері Қытайдың Сиань қаласында өткен халықаралық турнирде алтын медаль жеңіп алды.

Халықаралық жасөспірімдер турниріне бес елден сегіз команда қатысты. Атап айтқанда, «Қайрат» (Қазақстан), «Шэньчжэнь», «Сиань», «Гуанчжоу Инхуа Сили», «Чжэцзян» (барлығы Қытай), «Пахтакор» ( Өзбекстан), Олденбург (Германия) және Ден Босх (Нидерланды) командалары сынға түсті.

«Қайрат» U-15 матчтарының нәтижелері: «Шэньчжэнь» командасына 0:1 есебімен есе жіберсе, «Чжэцзян» – 7:0, «Ден Бош» – 4:0, «Пахтакор» – 2:1 және Шэньчжэнь 2:2 (пенальти бойынша – 4:3) командаларын жеңді. Осылайша жас қазақстандық футболшылар жарыс жеңімпазы атанды.