«Астананың» маркетинг және қоғаммен байланыс жөніндегі директоры Қайсар Бекенов «Челсиге» қарсы Конференция лигасының негізгі кезеңінің бесінші турының алдағы матчы Алматыда өтетінін мәлімдеді.
«Өкінішке қарай, жағдай осылай өрбіді. Дүниежүзілік көшпенділер ойындарын өткізу және УЕФА ережелері бар. Оны елемеуге болмайды. Яғни, біз бастапқыда бұл туралы, ойынның Астанада өтуі ықтималдығы төмен екенін ескерткен болатынбыз. Регламент Конференц-Лиганың негізгі кезеңіндегі барлық өз алаңындағы матчтарын бір стадионда өткізуді, ал форс-мажорлық жағдайда ғана резервтік стадионға ауыстыруды талап етеді. Біз УЕФА-мен бірнеше рет келіссөздер жүргіздік және федерация бұл мәселеде көмектесті.
«Витория» және «Челсимен» матчтарды Астанада өткізу мүмкін емес. Сондай-ақ Қазақстан Республикасы Спорт және туризм вице-министрі Серік Жарасбаев өз сұхбатында мұны растады. Ойын Алматының Орталық стадионында өтеді деп ресми түрде айтуға болады.
Астанадағы стадиондағы жөндеу жұмыстарының мерзіміне келер болсақ, өздерімен хабарласқан дұрыс шығар. Біздегі мәліметтер бойынша, көгал қараша айының соңында дайын болуы керек», — деді Бекенов.
«Астана» — «Челси» кездесуі 12 желтоқсанда Конференция лигасының жалпы кезеңінің 5-ші туры аясында өтеді
