«Атыраудың» жартылай қорғаушысы Джоэль Каямба «Астанаға» қарсы өткен кездесуден кейін орын алған жанжал жайлы пікір білдірді.
Конголық жартылай қорғаушы өзінің Instagram парақшасында «Астананың» бас бапкері Григорий Бабаянның өзіне қол көтергенін жазды.
«Тағы да дежавю. «Астананың» бас бапкерінің маған себепсіз қол көтерді. Біз футбол ойнаймыз, бокс емес. «Астана» секілді команданың бас бапкері қарсыластың ойыншысына себепсіз қол жұмсайды дегенге сене алар емеспін. Мұндай әрекеттер осындай керемет елдің бет-бейнесін құртады. Мұндай деңгейде өнер көрсеткен соң көпшілік арасында эмоцияларыңа ырық бермейтіндей жігерің болуы керек. Мен оған есесін 10 есе қылып қайтарып берер едім. Бірақ бұған алаңдамай-ақ қойыңыздар. Келесі жолы тағы кездесерміз. Карма өзінікін жібермейді», — деді атыраулық футболшы.
Айта кетейік, Қазақстан премьер-лигасының аяқталуына екі туры қалғанда «Астана» 43 ұпаймен көш бастады. Екінші орында «Қайрат». Алматылықтардың қоржынында 41 ұпай. Елордалықтар келесі турда «Тобылмен» жолықса, «Қайрат» «Ордабасыға» қарсы тұрады.
