Францияның Гренобль қаласында Құрлық кубогының Е тобындағы матчтар аяқталды. Үшінші айналымның финалдық кездесуінде «Номад» латвиялық «Земгалемен» кездесті. Бұл ойында Қазақстан құрамасы 4:1 есебімен жеңіске жетті. Николай Шульга дубль авторы атанса, Максим Мусоров пен Диас Гусейнов бір голдан соқты.
Ең қиыны Уэльстің «Кардиффіне» қарсы өткен турнирдегі алғашқы матч болды. 54-минутта 5:2 есебімен алға шыққан «көшпенділер» екі гол жіберіп, жеңісті уыстан шығарып ала жаздады. Бірақ қазақстандық хоккейшілер жеңіске жетті – 5:4.
Алаң иелері «Гренобль» командасымен екінші ойында да Федор Полищук шәкірттері 2:0 есебімен жеңіске жетті.
Осылайша, Е тобында 100% нәтижеге қол жеткізген «Номад» хоккейшілері Құрлықтық кубоктың финалдық кезеңіне қатысуға мүмкіндік алды. Трофей 2024 жылдың қаңтарында сарапқа салынады. «Номадтың» турнирдің шешуші кезеңіндегі қарсыластары сәл кейінірек белгілі болады.