Бокстан Италияның Бусто-Арсицио қаласында 114 елден 668 спортшының қатысуымен өтетін әлемдік лицензиялық турнирге Қазақстан атынан қатысатын жерлестеріміздің тізімі белгілі болды. Бұл туралы ҚФБ баспасөз қызметі мәлімдеді.
Париж Олимпиадасының жолдамасына таласатын боксшылар Сәкен Бибосынов (51 келі), Махмұд Сабырхан (57 келі), Мұхаммедсабыр Базарбайұлы(63,5 келі), Асланбек Шымбергенов (71келі), Нұрбек Оралбай (80 келі), Айбек Оралбай (92келі). Ерлерде 28 жолдама үлестіріледі.
Әйелдер арасында Алуа Балқыбекова (50 келі), Жайна Шекербекова (54 келі)
Римма Волосенко (60 келі), Наталья Богданова (66 келі), Валентина Хальзова (75 келі) сынға түседі. Әйелдер арасында 21 жолдама үлестіріледі.
Бокстан Қазақстан еншісінде әзірге екі жолдама бар. 2023 жылғы жазғы Азия ойындарында аса ауыр салмақтағы Қамшыбек Қоңқабаев пен әйелдерден 57 келідегі Карина Ибрагимова Париж Олимпиадасына баруға мүмкіндік алған еді.
Италиядағы іріктеу турнирі 4-12 наурыз күндері аралығында өтеді.
