Римде Мастерс сериясының ATP-1000 турнирі өтуде. Қазақстандық теннисші Александр Бублик жұптық сайыста 1/4 финалдық кездесуде жеңіске жетті.
Жартылай финал жолдамасы сарапқа салынған матчта америкалық Бен Шелтонмен бірге қазақстандық теннисші аргентиналықтар Франсиско Черундоло/Томас Мартин Этчеверриді 1:6, 6:4, 10:5 есебімен ұтты.
Бұған дейін ширек финалда Бублик америкалық теннисшімен бірге Александр Зверев (Германия)/Марсело Мело (Бразилия) дуэтін 2:6, 6:3, 10:7 есебімен ұтқан болатын.
Айта кетейік, Бублик Римдегі турнирде Қазақстанның жалғыз өкілі болып қалды. Ол аталмыш жарыста ерлер арасындағы жекелей сында екінші айналымнан әрі аса алмады. Сондай-ақ тағы бір қазақстандық Александр Шевченко ерлер арасындағы жекелей жарыстан шығып қалды. Әйелдер арасындағы жұптық бәсекеде қазақстандық Анна Данилина эстониялық Ингрид Нилмен бірге алғашқы айналымда қарсыластарына есе жіберді, Ал Юлия Путинцева үшінші айналымда әлемнің бірінші ракеткасы польшалық Ига Швентектен ұтылып қалды. Ал еліміздің бірінші ракеткасы Елена Рыбакина денсаулығына байланысты жарысқа қатысудан бас тартты.
