Погачар 1998 жылдан бері бір маусымда«Тур де Франс» пен «Джиро д’Италияда» жеңіске жеткен алғашқы шабандоз атанды.
UAE Team Emirates командасының атынан шыққан Погачар биыл Франция, Италия, Сан-Марино және Монако жолдарын басып өтіп, Ниццада мәресіне жеткен беделді «Тур де Франс» көпкүндік веложарысында мансабында үшінші ретжеңіске жетті.
Погачар жексенбі күні өткен, ұзақтығы 33,7 шақырымды құрайтын жекелей уақытқа арналған сайыста да үздік нәтиже көрсетті. Осылайша 25 жастағы словениялық шабандоз 83 сағат 38 минут 56 секунд уақыт көрсеткішімен жалпы классификацияда чемпион атанды. Екінші орынды Visma-Lease a Bike командасынан даниялық Йонас Вингегаард (+6 минут 17 секунд), үшінші орынды алдыңғы екі «Тур де Франстың» чемпионы, Soudal–Quick-Step өкілі бельгиялық Ремко Эвенепул (+9 минут 18 секунд) иеленді.
Айта кетейік, «Тур де Франс» 1903 жылдан бері өткізіліп келеді. «Джиро» және «Испания Вуэльтасымен» (Grand Tour) қатар әлемдегі ең беделді үш веложарыстың бірі болып саналады.
«Астана» сапынан соңғы кезеңде мәреге сегізінші болып келген Харольд Техада үздік нәтиже көрсетті. Кейс Бол 86-шы, Давиде Баллерини 113-ші, Марк Кавендиш 134-ші болып жарысты аяқтады.
«Тур де Франс». 21-кезең
Монако — Ницца. 33.7 шақырым
- Тадей Погачар (Словения, «UAE Team Emirates») — 4:04:22
2. Йонас Вингегор (Дания, «Visma») — +1:03
3. Ремко Эвенепул (Бельгия, «Soudal Quick-Step») — +1:14 - Харольд Техада (Колумбия, «Астана») — +2:50
86. Кейс Бол (Нидерланды, «Астана») — +7:00
113. Давиде Баллерини (Италия, «Астана») — +7:46
134. Марк Кавендиш (Ұлыбритания, «Астана») — +9:14
Жалпы есеп:
- Тадей Погачар (Словения, «UAE Team Emirates») — 83:38:56
2. Йонас Вингегор (Дания, «Visma») — +6:17
3. Ремко Эвенепул (Бельгия, «Soudal Quick-Step») — +9:18 - Харольд Техада (Колумбия, «Астана») — +4:00:13
138. Кейс Бол (Нидерланды, «Астана») — +6:08:11
140. Давиде Баллерини (Италия, «Астана») — +6:22:46
141. Марк Кавендиш (Ұлыбритания, «Астана») — +6:23:11.
