Париж Олимпиадасында 10 000 метрге жүгіруден әйелдер арасындағы жарыс аяқталды.
10000 метрге жүгіруде кениялық Беатрис Чебет Олимпиада чемпионы атанды. Италиялық Надия Баттоклетти күміс жүлде иеленсе, соңғы айналымда барын салып бірнеше желаяқты артқа тастаған нидерландылық Сифан Хассан қола медаль жеңіп алды.
Бұл бәсекеде ел намысын Дейзи Джепкемей қорғаған болатын. Қазақстандық атлет мәреге 17-болып келді. Жарысқа барлығы 25 спортшы қатысты.
Айта кетейік бұл ойындарда Джепкемей 3000 метрге кедергілер арқылы жүгіруде де сынға түсіп, финалға өте алмады. Дегенмен 28 жастағы кениялық легионер алыс қашықтықтарда жақсы нәтиже көрсетуімен танымал. Ол жасөспірімдер арасында әлем чемпионы, сондай-ақ жастар арасында Африка чемпионы атанған болатын.
В этой статье:
Нажмите, чтобы прокомментировать
