Әлішер Ерғали Париж Олимпиадасында қола жүлдеге таласады

Бахрейндік балуан Ахмед Тажудинов ширек финалда атақты Олимпиада чемпионы және әлем чемпионатының үш дүркін жеңімпазы америкалық Кайл Снейдерді жеңіп, сенсация жасады.

Осылайша Тажудинов Әлішер Ерғалидің жұбаныш белдесуіне қатысуына мүмкіндік берді. Жұбаныш белдесуі 11 тамыз күні 14.30-да басталады. Қазақ палуанының қарсыласы ирандық Амир Али Азарпир болмақ.

Естеріңізге сала кетейік, 25 жастағы Әлішер Ерғали Азия чемпионатының төрт дүркін жеңімпазы. Бұған дейін Париж Олимпиадасында 1/8 финалда қазақстандық спортшылардан Азамат Дәулетбеков (86 келіге дейін), Мейрамбек Қартбай (57 келіге дейін) және Юсуп Батырмырзаев (125 келіге дейін) жеңілген болатын.