Қазақстандық Меруерт Каукеева мінбедегі төрешінің күміс белгісіне қол жеткізді. Ол әлемдік төрешілер қауымдастығынан мұндай жоғары атақ алған екінші қазақстандық қазы атанды.
«Күміс белгі» (Silver Badge) төрешілерге кәсіби қызметі негізінде беріледі. «Күміс белгі» алу үшін халықаралық деңгейдегі кемінде 60 матчқа қазылық ету керек. Сондай-ақ «Алтын белгі» санатындағы төрешілер мен супервайзерлерден жоғары баға алғаннан кейін ITF, ATP, WTA және Grand Slam жиналыс өткізіп, мұндай атаққа лайықтыларды таңдайды. «Күміс белгісі» бар төрешілер «Үлкен дулыға», сол секілді ITF, ATP, WTA аясында ұйымдастырылатын басқа да негізгі жарыстарда, финалдарын қоса алғанда, қазылық ете алады.
Өткен жылы қарашада Қазақстаннан Юлия Игнатченко бірінші болып «Күміс белгіге» ие болған еді.
Айта кетейік, осыдан бірер күн бұрын Меруерт Испанияның Севилья қаласында өткен Билли Джин Кинг кубогінің финалдық кезеңінде мінбедегі рефери ретінде қызмет етті.
Ұйымдастырушылар қазақстандық қазыға арнайы ескерткіш медаль табыс етті. Осылайша, командалық әлем чемпионатына тек қазақстандық ойыншылар ғана қатысып қойған жоқ. Төреші де болды.