Қорғаушылар мен шабуылшылар арасында «Барыстың» бұрынғы екі ойыншысы Никита Михайлис пен Алексей Маклюков осы аптадағы ойындардың нәтижесі бойынша үздік ойыншы атанды.
«Өз мансабында алғаш рет Алексей Маклюков («Металлург») аптаның үш матчында 3 (0+3) ұпай жинап, үздік қорғаушы деп танылды. Маклюков бірде-бір матчты пайдалылық көрсеткіші төмен көрсеткішпен аяқтаған жоқ. Жалпы бағасы «+5».
Михайлис бір матчта жинаған ұпайлары бойынша ҚХЛ рекордын қайталады.
«Никита Михайлис («Металлург») аптаның үш матчында 8 (3+5) ұпай жинап, мансабында екінші рет үздік шабуылшы деп танылды. Михайлис пайдалылық көрсеткіші «+8». «Трактормен» өткен матчта соққан шайба өз командасына жеңіс сыйлады. Бұл ойында Михаил 6 (1+5) ұпай жинап, бір ойында ұпай саны бойынша ҚХЛ рекордын қайталады», — деп қорытындылады лиганың баспасөз қызметі.
Естеріңізге сала кетейік, Михаилис биылғы жылдың көктемінде «Металлургке» ауысып, оған дейін Астананың «Барысында» өнер көрсеткен болатын. Ол сондай-ақ «Snow Leopards» (МХЛ, 2012-2015), «Номад» (Қазақстан чемпионаты, 2015-2019) және «Торпедо» (VHL, 2016/17) командаларында ойнаған.
Маклюков астаналық клуб сапында 2017-2021 жылдар аралығында өнер көрсеткен. Сондай-ақ Қазақстан азаматтығын алған Ресей тумасы «Номад» сапында ойнаған.
