Осыдан бірер күн бұрын Асу Алмабаев UFC-дегі екінші жекпе-жегін өткізетінін мәлімдеген. Ал бүгін тағы бір қазақстандық спортшы Азат Мақсұмның да мұхит асып, UFC Fight Night 235 турнирінде өнер көрсететіні белгілі болды.
Келесі жылдың басында жеңіліс көрмеген қазақстандық Азат Мақсұмның (17-0) UFC-дегі көптен күткен екінші жекпе-жегі өтеді. Ол америкалық Нейт Мэнесспен (15-3) сынға түседі. Жеңіл салмақтағы жекпе-жек Астана уақыты бойынша 4 ақпан күні таңертең Лас-Вегастағы UFC Fight Night 235 турнирінде өтеді.
Америкалық UFC-де 2020 жылдың қазан айынан бері өнер көрсетеді. Ол осы уақытқа дейін алты жекпе-жек өткізіп, төртеуін жеңіп, екеуінде жеңіліс тапқан. 32 жастағы Манесс биыл қазақстандықпен кездесуі мүмкін еді. Мамыр айында ол UFC 288 турнирінде Жалғас Жұмағұловпен жекпе-жек өткізеді деп жоспарланған болатын. Бірақ, америкалық жарақатына байланысты турнирден шығып қалды. Ал қазақстандық спортшының содан кейін тағы екі қарсыласы кездесу өткізуден бас тартты. Нәтижесінде, Жұмағұлов маусым айында Джошуа Вангпен кездесіп, жеңіліп қалды және UFC-ден кетті.
UFC-де Манесс 2022 жылы Хабиб командасының жауынгерлерімен кездескенге дейін үш жекпе-жекте жеңіске жетті. Маусым айында ол Умар Нурмагомедовтен жеңіліп қалды, кейін оны Тагир Уланбеков мерзімінен бұрын тоқтатты. Жұмағұловпен жекпе-жек үзілгеннен кейін, Нейт 7 қазанға дейін қалпына келді. Кейін Матеус Мендонсаны нокаутқа түсіріп, мансабындағы екінші бонусын алды.
Ал 28 жастағы Азат Мақсұм UFC-дегі алғашқы жекпе-жегін 15 шілдеде, тәжірибелі Тайсон Намға қарсы өткізіп, жеңіске жеткен болатын.
