Британдық шабандоз Макс Уолкер (22 жаста) 2024 жылғы маусымда «Астана» жобасына қосылып, Astana Qazaqstan Development Team сапында өнер көрсетеді. Макс Уолкер құрлықтық команда күнтізбесіндегі жарыстармен қатар Әлемдік турдың командасымен бірге бірқатар жарыстарға қатысады деп жоспарланып отыр.
«Биыл Астана жобасының бір бөлігі болатыныма өте қуаныштымын. Осындай беделді және мықты команда қатарына қосылғанымды мақтан тұтамын. Құрлықтық команданың жарыс кестесі өте тығыз және әлеуетімді толық іске асыру үшін қолдау бар. Сонымен бірге Әлемдік Тур командасымен бірге жарыстарға қатысып, тәжірибе жинақтап және әлемдегі ең дарынды кәсіби шабандоздардан көп нәрсе үйренемін деп ойлаймын. Команданың жеңіске жетуіне бар күшімді саламын. Мұнда мен үшін керемет артықшылық бар. Мэн аралында алғаш рет велосипедке отырып, велоспортқа келген кезімнен бастап бүкіл мансабымда Марк Кавендиштің соңынан еріп келемін. Енді Астана жобасының бір бөлігі бола отырып, атақты жерлесім Марк Кавендишпен бірге жаттығып, жарысуға мүмкіндік аламын. 8 жасымда ата-анам сыйлаған алғашқы киім жиынтығы Астана командасының формасы болатын. Мен үшін қазір «Астана» ұжымының бір бөлігі екенімді ұғыну сондай керемет. Trinity Racing командасымен тамаша жылдарды өткіздім және 2024 жылы Saint Piran-да өнер көрсетуім керек еді. Сондықтан «Астана» жобасымен бірге мансабымда алға қадам басуға мүмкіндік бергені үшін алғыс айтқым келеді» — деді Макс Уолкер.
«Макс қаңтардағы оқу-жаттығу жиынында бізді таң қалдырды және мен оның құрлықтық командамыздың шабандозы болғанына қуаныштымын. Мұнда біз оны жарыс режимінде сынап, оның толық әлеуетін ашуға көмектесе аламыз. Сондай-ақ, оны жоғары деңгейде Astana Qazaqstan Team командасымен жарыстарда көру керемет болар еді. Маусым бойы Макс Уолкерді құрлықтық командада да, Әлемдік тур командасында да мұқият қадағалайтын боламын», — деді Astana Qazaqstan Team командасының бас менеджері Александр Винокуров.
