Бразилия халқының жаңа ұлттық мерекесі – «Пеле күні» 2024 жылдан бастап 19 қарашада тойланады.
19 қараша күні белгілі бір себептермен таңдалды. Оның тарихы 1969 жылдан бастау алады. Бұл күні Пеле «Сантос» клубы мен Бразилия құрамасының шабуылшысы ретінде мансабындағы 1000-шы голын соқты. Аты аңызға айналған «Маракана» стадионында «Васко да Гамамен» болған матчта Пеленің командасы 2:1 есебімен жеңіске жетті.
2 шілдеде президент Луис Игнасио Лула да Силва бастаған Бразилия үкіметі үш дүркін әлем чемпионының құрметіне еске алу күнін белгілеу туралы заң қабылдады.
«Бұл Бразилия футболындағы ғана емес, сонымен қатар әлемдік спорттағы ең маңызды және ықпалды адамдардың бірі үшін лайықты құрмет», — деді сенатор Хорхе Каджуру.
Пеле 29 жасында 909-шы матчында 1000-шы голын соқты. Өзінің бүкіл мансабында бразилиялық 1363 ойында 1281 гол соққан.
Әлемге «Футбол патшасы» атанған аты аңызға айналған бразилиялық шабуылшы Пеле 2022 жылы 29 желтоқсанда 82 жасында дүниеден өтті. Ал осыдан небәрі 10 күн бұрын оның анасы 101 жастағы Селесте Арантес дүниеден озды.
