Қазақстандық теннисші «Үлкен Дулыға» турнирінің 8 дүркін жеңімпазын ұтты

Юлия Путинцева мансабында алғаш рет Уимблдонның үшінші кезеңіне шықты.

Екінші айналымда қазақстандық теннисші 2020 жылғы Олимпиада чемпионы, жұптық сында «Үлкен дулыға» турнирінің сегіз дүркін жеңімпазы чехиялық Катерина Синякованы (36 WTA) 6:0, 4:6, 6:2 есебімен ұтты. Спортшылардың кездесуі 1 сағат 39 минутқа созылды.

Үшінші айналымда Путинцева әлемнің бірінші ракеткасы польшалық Ига Швентек пен хорватиялық Петра Мартич арасындағы матчтың жеңімпазымен ойнайды.

Айта кетейік, Уимблдон турнирінен кейін Путинцева Парижде өтетін Олимпиада ойындарына қатысады.