Мерих Демирал футболдан Еуропа чемпионатының 1/8 финалында гол соққаннан кейін қолымен ым-ишара көрсеткен. Бұл Түркияның ұлтшыл қозғалыс партиясымен байланысты топ – «Көк бөріні» еске түсіретін қимыл. Оған Франция мен Аустрияда тыйым салынған. Нәтижесінде УЕФА Демиралды осы әрекетінен соң екі матчқа шеттетті.
«Біреу немістердің жейдесінде қыран бар деп айта ма? Француздардың жейдесінде әтеш бар деп біреу айта ма? Осы қимылымен Мерих өзінің толқуын көрсетті», — деп келтіреді NTVSpor Эрдоғанның сөзін.
Бұған дейін Эрдоған 6 шілде, сенбі күні Берлинде өтетін Еуроның 1/4 финалындағы Түркия мен Нидерланды матчына келетінін мәлімдеген болатын.
Сонымен қатар Түркия Сыртқы істер министрлігі Германияның ішкі істер министрі Нэнси Фезердің футболдан Еуропа чемпионатын нәсілшілдік алаңы ретінде пайдалануға жол берілмейді деген сөздеріне жауап берді — 2:1.
«УЕФА-ның Түркия мен Аустрия арасындағы Еуро-2024 1/8 финалдық матчынан кейін түрік футболшысы Мерих Демиралға қарсы тәртіптік тергеу өткізуі дұрыс емес.
Сонымен қатар, 2023 жылдың қыркүйегінде Германияның Конституцияны қорғау федералды басқармасы жариялаған баяндамада «Көк Бөрі» белгісі экстремизммен байланысты болмауы мүмкін екенін атап өтті. Германияда да «Көк Бөрі» белгісіне тыйым салынбаған. Осы жағдайларға сәйкес Германия билігінің Демирал мырзаға реакциясын ксенофобиялық деп санауға болады», — делінген хабарламада.
