36 жастағы нидерландылық шабандоз Ваут Пулс Әлемдік Турдың командасы Astana Qazaqstan Team-мен 2025 жылғы маусымға бір жылдық келісімге қол қойды.
Ваут Пулс таулы аймақта жақсы өнер көрсететін шабандоз ретінде танымал. Ол өткен жылы «Тур де Франс» пен «Испания Вуэльтасының» таулы аймақта өткен кезеңдерінде топ жарса, «Андалусия Вуэльтасы» мен «Валенсия Вуэльтасы» жарыстарында жеңімпазы атанған.
Сондай-ақ Пулс Әлемдік Турда бірқатар жарыстарда, атап айтқанда «Вуэльта де Каталонья», «Париж – Ницца», «Тиррено – Адриатико», «Критериум дю Дофине», «Баск елдері» турында, «Польша туры» жарыстарының кезеңдерінде жеңіске жеткен.
«Мен Astana Qazaqstan Team командасына ауысқаныма қуаныштымын. Команда көптеген жылдар бойы ірі жеңістерге қол жеткізді. Келесі жылы мүмкіндігімді барынша көрсеткім келеді. Менің арманым «Джиро д’Италияда» кезеңді жеңіп, сол арқылы үш Гранд Турда да жеңіске жеткен шабандоздар тізіміне қосылу. Бірақ, әрине, команданың мүддесі бірінші орында болады. Команда сапына қосылуды асыға күтемін. Astana Qazaqstan Team құрамында Голландия шабандоздары, Кейс Бол және Иде Схеллинг бар. Олармен бір командада болу керемет. Мен осы маусымды жақсы нотада аяқтап, жаңа жылда 100% бабымда болғым келеді», — деді Ваут Пулс.
