«Сыйға сый, чемпионға стақан». Әлемнің жеті дүркін чемпионына жасаған әкімнің сыйы қазақстандықтардың ашуын келтірді

Пара-армрестлингтен Қазақстандық әлем чемпионы Зарина Примакқа әкімдік стақан  сыйлады.

Тамыздың 16-25 аралығында, Молдова елінің Кишинёв қаласында өткен Пара армрестлингтен әлем чемпионатында жерлесіміз, Примак Зарина әйелдер арасында, сол қолдан, оң қолдан орын алып жеті дүркін әлем чемпионы атанды.

Алайда, оның мұндай елеулі жетістігіне қарамастан Зарина Примакты құттықтап, стақан сыйлауға келген Жарма ауданы әкімінің орынбасары Райым Жолдасбекұлы мен Шар қалалық «Жастар ресурстық орталығының» директоры Рауан Кәкімжанұлы қазақстандықтардың наразылығын тудырды.

Кейіннен фото аудан әкімдігінің инстаграм парақшасынан жойылып, басқа фотоға ауыстырылды.