Балуандарымыз әлем чемпионатының финалына шықты

Қазақстандық спортшылар Испанияның Понтеверде қаласында өтіп жатқан 20 жасқа дейінгі жасөспірімдер арасындағы әлем чемпионатында тамаша өнер көрсетуде. Юсуф Ашрапов 67 келі салмақта алтын үшін белдеседі. Финал 4 қыркүйекте өтеді. Жартылай финалда Юсуф ресейлік Грайр Оганесянды 7:5 есебімен ұтты.

Ал Ислам Евлоев (82 келі) жартылай финалдық жекпе-жексіз финалға жолдама алды. Оның қарсыласы боз кілемге шықпады! Осылайша ертең спортшыларымызды грек-рим күресінен екі финалдық белдесу күтіп тұр. Сондай-ақ қазақстандықтардан Айбек Айтбеков (55 келі), Оңдасын Хамитов (60 келі) және Темірлан Турдакин (87 келі) қола жүлде үшін күреседі.