Бүгін, 6 қазанда Өзбекстан астанасы Ташкентте футзалдан 2024 жылғы әлем чемпионатының жеңімпазы анықталды.
Финалда Бразилия мен Аргентина кездесті. Нәтижесінде бразилиялықтар 2:1 есебімен жеңіске жетті. Жеңімпаз команда сапынан Феррао мен Рафа Соуза, аргентиналықтардан Матиас Роза гол соқты. Осылайша Бразилия алты дүркін әлем чемпионы атанды. Аталмыш команда бұған дейін 1989, 1992, 1996, 2008, 2012 жылдары жеңіске жеткен болатын.
Сондай-ақ әлем чемпионатында үшінші орын үшін өткен матчта Украина мен Франция кездесіп, 7:1 есебімен украиналықтардың пайдасына аяқталды. Бұған дейін Украинаның әлем чемпионатындағы ең жақсы нәтижесі 1996 жылы 4-орын болатын.
Естеріңізге сала кетейік, 2024 жылғы әлем чемпионатының ширек финалында аргентиналықтар Қазақстан құрамасын жарыс жолынан шығарған болатын (6:1).
