Алматыда өтіп жатқан ATP 250 турнирінің ұйымдастырушылары wild card иегерлерінің есімдерін жариялады.
Тимофей Скатов пен Бейбіт Жұқаев жекелей сында турнирдің негізгі кезеңіне арнайы шақырту алды. Әмір Омарханов іріктеу турнирінің wild card иегері атанды. Жұптық сында негізгі кезеңде келесі теннисшілер еліміздің атынан өнер көрсетеді: Александр Шевченко — Тимофей Скатов және Денис Евсеев — Бейбіт Жұқаев.
Денис Евсеев (Алматы), Бейбіт Жұқаев (Ақтау) және Әмір Омарханов (Қарағанды) қазақ теннис мектебінің оқушылары түлегі, сондай-ақ Тимофей Скатов Петропавл қаласының тумасы.
Еліміздің оңтүстік астанасында 13-20 қазан аралығында ATP 250 Almaty Open турнирі өтеді. Әлемдік теннис жұлдыздары да жарысқа қатысады: Фрэнсис Тиафо (15 ATP), Себастьян Корда (16 ATP), Алехандро Табило (22 ATP), Артур Фис (24 ATP), Карен Хачанов (27 ATP), Флавио Каболли (32 ATP) , Томас Махак (34 ATP), Адриан Маннарино (44 ATP) және т.б. Сондай-ақ қазақстандық теннисшілерен Александр Бублик, Александр Шевченко, Михаил Кукушкин және Александр Недовесов кортқа шығады.
