Үстел теннисінен Азия чемпионатында Оңтүстік Корея спортшылары алтыннан алқа тақты. Бұл елдің спортшылары ерлер арасындағы жұптық сайыста бірінші орын алды. Лим Ёнхун мен Ан Джхон үздік нәтиже көрсетті. Олар сингапурлық Панг Коэн/Квек Изаак дуэті сенімді түрде жеңді. Финалдық текетірес 3:0 есебімен аяқталды. Оңтүстік Корея үшін бұл алтын ағымдағы Азия чемпионатындағы алғашқы алтын медаль болды.
Ал Қытайдан келген дуэт аралас жұптық сайыста алтын жүлдеге ие болды. Корттағы шешуші текетіресте КХДР Ри Йонг Сик/Ким Кум Ён және Лин Шидун/Ман Куай (Қытай) дуэттері кездесті. Бірінші орын үшін өткен матч көпшіліктің көңілінен шықты. Өйткені әлемдік үстел теннисінің көшбасшылары Қытай спортшылары мен аралас жұптық сында Париж Олимпиадасының күміс жүлдегері КХДР құрлық біріншілігінің алтыны үшін күресті. Жекпе-жек тартысты өтті. Алғашқы ойынды КХДР теннисшілері өз еншісіне жазды — 11:9. Келесі үш сетте Қытай — 12:10, 11:9 және 15:13 есебімен жеңді.
Қорытынды есеп 3:1 болды. Қытай Азия чемпионатында екінші алтынын жеңіп алды. Бұған дейін құрама ерлер арасындағы командалық жарыста команда бірінші болды.
Сондай-ақ 12 қазан күні әйелдер арасындағы Азия чемпионатында алтын медальді сарапқа салатын спортшылардың есімдері белгілі болды.Бірінші жартылай финалда Жапония құрамасының екі өкілі өнер көрсетті — Мива Харимото мен Мимо Ито.
Жапониялық дерби 3:1 есебімен Харимотоның жеңісімен аяқталды. Оның финалдағы қарсыласы Кем Хой Ду (Гонконг) пен Ким Кум Ён (КХДР) арасындағы кездесуде анықталды. КХДР спортшысы, аралас жұптық сында Олимпиаданың күміс жүлдегері кездесуді 3:0 есебімен сенімді түрде жеңді.
Осылайша Мива Харимото мен Ким Кун Ён Азия чемпионатының финалында өнер көрсетеді. Турнирдің алтын медалі үшін матч бүгін, 13 қазанда өтеді.
