Қос клубымыз элиталық кезеңде

УЕФА Чемпиондар лигасының негізгі кезеңінің қорытынды ойын күні аяқталды.  «Семей» мажарстандық ұжым «Халадашты» 6:1 есебімен тізе бүктіріп, өз тарихындағы алғашқы еурокубоктық жеңіске қол жеткізді. Алматылық «Қайрат» португалиялық «Спортингке» қарсы ғаламат камбэк жасап, 3:2 есебімен жеңіске жетті.

Осылайша, «Қайрат» элиталық кезеңге топтан 1-орынмен шықса, «Семей» бүгінгі жеңістің арқасында келесі кезеңге үшінші орынмен шықты.

Айта кетейік, «Спортинг» Чемпиондар лигасының қазіргі жеңімпазы. Футзалдан Чемпиондар лигасының элиталық раундының жеребе тарту рәсімі 31 қазанда өтеді. Турнирдің келесі турының ойындары бір айдан кейін: 26 қараша мен 1 желтоқсан аралығында өтеді.