Париж Олимпиадасының салдары қандай?
Француз депутаты Аурели Труве биыл Парижде өткен Олимпиада ойындарының әлеуметтік, экономикалық және экологиялық салдарын зерттеуге арналған «Жаулап алынбаған Франция» — «Жаңа халықтық майдан» депутаттық тобының бейресми комиссиясының қорытындысымен таныстырды.
Труве Олимпиаданың салдарын тексеру үшін парламенттік комиссия құру туралы өтініш беруді жоспарлап отырғанын атап өтті. Ол Франция 2030 жылы қысқы Олимпиада ойындарын өткізуді жоспарлап отырғандықтан, бұл мәселені шешудің маңызы зор дейді.
«Ойындар салық төлеушілерге олар күткеннен әлдеқайда қымбат болуы мүмкін. Олимпиаданың бюджеті 4,4 миллиард еуроны құрағаны белгілі болды. Шындығында, Ойындарды өткізудің жалпы құны әлдеқайда жоғары. Экономикалық пайда шын мәнінде қарапайым, оны INSEE жалпы ішкі өнімнің 0,25% пен 0,4% аралығында бағалайды. Бұл экономикамыз үшін пайда емес», — деп келтіреді L’Equipe Трувенің сөзін.
Комиссия баяндамасында сондай-ақ «қаржыландырудың ашық еместігі», «еңбек заңнамасының бұзылуы» және «негізгі құқықтардың бұзылуы» жайлы сөз қозғалды.
